Smá annáll fyrir 2009

Desember lok

Jólin voru bara ágætt þetta árið. Kláraði að skila öllum ritgerðum og verkefnum í vikunni áður og svo var bara verið að vinna. Fengum frí eftir hádegi á Þorláksmessu sem var alveg æðislegt. Þá var bara skundað heim eftir að hafa náð í einn pakka þar sem ég hafði í raun klárað allt deginum áður það sem ég ætlaði að gera fyrir utan það sem var á dagskrá á aðfangadag. Þar sem jólin snúast mikið um át og heimsóknir þá naut ég þess að gera ekki neitt á Þorlák. Var bara heima að slappa af og horfa á nokkrar bíómyndir. Á aðfangag renndi ég til hennar Kristínar með pakka og svo var haldið áfram til mömmu en þar eyddi ég mest öllum jólunum. Aðfangadagskveld var bara haldið heima og fengum rosalega góðan kalkún, fyllingu og allt sem því fylgir og svo var opnað pakkaflóðið. Ég fékk alla stóru pakkanna undan trénu. Ég fékk brauðristina sem mig langaði svo mikið í og margt fleira inn á heimilið. Amma fékk lang flestu pakkanna. Svo virðist sem börn og gamalmenni fá flesta pakka. Fyndið hvað þetta dvalar út svona á miðjum aldri en eykst aftur því eldri sem þú verður. Jóladagur var bara heima hjá ömmu. Ekkert farið út úr húsi. Trausti, Marín og Sunna komu í hangikjet og síðan vorum við pínd til að horfa á jólatónleika með Björgvini Halldórssyni. Annar í jólum var hið árlega jólaboð ömmu og afa haldið hjá Bylgju systir pabba. Þar fengum við mjög góðan hamborgarahrygg og sérrí frómas og svo var spilað fram eftir kveldi. Annars var jólahátíðinni mikið eydd í svefn, sjónvarpsgláp og át.

Núna á milli jóla og nýárs hef ég bara verið að vinna og reyna að snúa sólarhringnum við en það gengur frekar erfiðlega þessa daganna. Þótt maður vakni snemma til að fara í vinnu þá er mjög erfitt að fara að sofa á kveldin þótt maður sé dauðþreyttur. Maður er að hanga á Facebook, horfa á eitthvað eða lesa fram eftir öllu. Síðan vaknar maður alveg ógeðslega ósofin og hræðilega þreytt. Hlakka til á morgun þá getur maður sofið aðeins lengur. Vonandi fer ég bara að sofa á skikkalegum tíma í kveld.

Í gær skelltum við systur okkur á myndina Avatar. Fórum á hana í 3D þannig við sátum ásamt restina af salnum eins og einhverjir furðufuglar með skemmtileg gleraugu. Ég óskaði þess mjög mikið að hafa verið með myndavél og geta náð mynd af þessu öllu saman. Ég veit ekki alveg hvað mér fannst um myndina um leið, fyrir utan það að mér fannst ég vera að horfa soldið á nútíma Pocahontas mynd um leið og ég var búin að sjá hana en mér fannst hún alveg rosalega flott og þetta er mjög góð mynd. En eftir að hafa sofið á henni og fengið að melta þetta aðeins þá komst ég að þeirri niðurstöðu að mér fannst hún bara mjög skemmtileg og falleg saga. Það eru mikil og merkileg skilaboð í henni sem allir ættu að taka til sín. Ég mæli alveg hiklaust með þessari mynd nema að sitja með svona 3D gleraugu krefst einbeitningar, sérstaklega ef sjónin er ekki alveg í lagi og þú mátt búast við hálfgerði þynnku daginn eftir. Nema þetta sé bara eitthvað tilfallandi fyrir mig eina. Eftir að gera nánari rannsókn á því.


Á morgun eru áramótin. Þetta ár er búið að líða alveg rosalega hratt. Ég ætla að byrja daginn kannski á vinnu, er enn ekki búin að ákveða hvort ég kíki aðeins á skrifstofuna, annars verður kveldinu eydd hjá mömmu þar sem maður fer að borða eitthvað enn þá meira og svo vonandi spilum við eitthvað. Þurfum að vígja spilið sem ég fékk í jólagjöf.

Á þessum nótum þá óska ég ykkur gleðilegs nýrs árs og gangið hægt um gleðinnar dyr annað kveld.


Hrabba out!

Desember update

Núna hef ég búið ein í rúma þrjá mánuði og ég verð að viðurkenna að mér finnst það æðislegt. Auðvitað finnst mér leiðinlegt að hafa mömmu og systurnar ekki svona rosalega nálægt en það er samt bara ágætt. Komin tími til að slíta þeirri sambúð enda er maður orðin það fullorðinn.

Að búa svona ein hefur kennt mér ýmislegt um sjálfan mig. Mér finnst rosalega leiðinlegt að vaska upp og enn leiðinlegra að hugsa um þvottinn og ég er bara ein. Hvernig verður það þegar maður er komin með fleiri inn á heimilið. Ég veit ekki hvernig það verður. Kannski læt ég einhvern annan sjá um þvottinn. Ég verð samt að viðurkenna að mér þykir mjög gaman að elda og prufa nýja rétti en því miður nenni ég því of sjaldan.

En þrátt fyrir þetta allt saman finnst mér æðislegt að búa hérna heim og hefja þennan kafla í lífi mínu.

Skólinn er að klárast þessa önnina. Aðeins tvær ritgerðir eftir sem ég þarf að skila. Eftir það getur maður farið í smá jólaskap. Maður er samt alltaf að vinna líka en það er bara gaman. Það er skemmtilegur andi í vinnunni sem gerir þetta bara allt skemmtilegt. Núna á laugardaginn erum við mamma og Tinna að fara á tónleika með henni Eivöru í Fríkirkjunni. Ég held að það verði rosalega gaman og jólalegt. Síðan framundan eru tvö jólahlaðborð. Ekki það að það er næstum jólahlaðborgð á hverjum degi í vinnunni. Maður á eftir að koma vaggandi út úr desember. Eins gott að maður eigi kort í ræktinni og að maður fari að nota það á nýju ári.



En held að þetta sé komið nóg ætla að halda áfram að læra.

Hrabba out!

Skemmtilegir punktar um lífið

1. Lífið er ekki sanngjarnt, en það er samt ljúft

2. Þegar þú ert í vafa, taktu þá bara lítið skref

3. Lífið er of stutt til að eyða tíma í að hata einhvern

4. Vinnan þín mun ekki sjá um þig þegar þú verður veik(ur). Vinir þínir og fjölskylda munu gera það. Vertu því í sambandi við þau.

5. Greiddu kreditkortareikninginn þinn í hverjum mánuði

6. Þú þarft ekki að vinna öll deilumál - samþykktu að vera ósammála

7. Gráttu með einhverjum. Það er betra en að gráta einn

8. Það er allt í lagi að reiðast út í guð.- - - Hann þolir það

9. Safnaðu fyrir elliárunum og byrjaðu með fyrsta launaseðlinum

10. Þegar kemur að súkkulaði, þá er mótstaða árangurslaus

11. Semdu frið um fortíðina, þannig að hún eyðileggi ekki samtíðina

12. Það er í lagi að láta börnin þín sjá þig gráta

13. Berðu ekki þitt líf saman við annarra. Þú hefur ekki hugmynd um hvernig þeirra líf er

14. Ef samband þarf að vera leynilegt, þá áttu ekki að vera í því

15. Allt getur breyst á augabragði. En hafðu ekki áhyggjur

16. Dragðu andann djúpt að þér - það róar hugann

17. Losaðu þig við allt sem ekki er nýtilegt, fallegt eða skemmtilegt

18. Það sem ekki drepur þig gerir þig bara sterkari

19. Það er aldrei of seint að hafa skemmtilega barnæsku. En sú seinni er alveg undir þér komin og engum öðrum

20. Þegar kemur að því að sækjast eftir því sem þú elskar við lífið, taktu þá aldrei Nei sem svar

21. Brenndu kertin, notaðu fínu rúmfötin, farðu í fínu nærfötin. - - - Sparaðu þetta ekki fyrir sérstök tilefni - Í dag er sérstakt tilefni

22. Undirbúðu þig ávallt vel - láttu svo strauminn taka þig

23. Vertu óvenjuleg(ur) í dag - - - Bíddu ekki eftir gamals aldri til að klæða þig í fjólubláan lit !

24. Mundu að mest áríðandi kynfærið er heilinn

25. Enginn ræður yfir hamingju þinni nema þú

26. Rammaðu inn allar svokallaðar þjáningar með orðunum . . . . „Mun þetta skipta einhverju máli eftir 5 ár" ?

27. Hafðu lífið alltaf að leiðarljósi

28. Fyrirgefðu öðrum allt

29. Það sem aðrir hugsa um þig kemur þér alls ekki vð

30. Tíminn læknar svo til allt. . . . Gefðu tímanum tíma

31. Hversu gott eða slæmt sem ástandið er,. . . þá mun það breytast

32. Taktu þig ekki of hátíðlega, . . . enginn annar gerir það

33. Trúðu á kraftaverk

34. Guð elskar þig vegna þess hver hann er, ekki vegna þess sem þú gerðir eða gerðir ekki

35. Endurskoðaðu ekki lífið, . . Vertu til staðar og taktu þátt í því

36. Að verða gamall er betra en hinn kosturinn - - - að deyja ungur

37. Börnin þín fá bara eina barnæsku

38. Allt sem skiptir máli í lokin er að þú hafir elskað

39. Farðu út á hverjum degi , - - kraftaverk bíða alls staðar

40. Ef við myndum öll kasta áhyggjum okkar í stafla og sæjum stafla hinna, . . þá myndum við hrifsa okkar til baka

41. Öfund er tímasóun.- - - Þú hefur nú þegar allt sem þú þarfnast

42. Það besta er ef til vill einnig ókomið

43. Það skiptir ekki máli hvernig þér líður, - - - farðu á fætur, klæddu þig og sýndu þig.

44. Láttu undan

45. Lífið er ekki skreytt með slaufum, - - en samt er það gjöf

Mér finnst sumt af þessu sniðugt og á pottþétt eftir að nýta mér eitthvað af þessum punktum.

Dimmur dagur í desember

Föstudagurinn þrettándi

• Föstudagurinn svarti þegar verðbréfamarkaðurinn féll á 19. öld.
• Jesús var krossfestur á föstudegi.
• Fall Konstantínsnópels lenti á föstudegi.

Margir náttúruhamfarir hafa gerst á föstudegi eða á þrettánda degi einhvers mánaðar.

Eins og með öllu þá er til norræna míta um afhverju föstudagar eru óheilladagar. Hér áður fyrr var föstudagur nefndur eftir Frigg, gyðju frjósemis og ástar. Þegar kristnin tók yfir þá var lagt böl á Frigg og hennar tileinkun og hún var stimpluð sem norn og rekin í útlegð. Talið var að hún ásamt ellefu öðrum nornum og djöfulinn sjálfur, þrettán saman hittust þau á hverjum föstudegi og plönuðu alla þá slæmu hluti sem áttu að gerast í komandi viku. Út frá þessu þá var föstudagur þekktur sem dagur nornarinnar í Skandinavíu.

Í dag þá höldum við ekki eins sterkt í hjátrú og við höfum gert í gegnum aldirnar. En einhvern veginn þá erum við alltaf meðvituð um þennan dag og förum varlega og reynum að koma í veg fyrir kringumstæðum sem gætu talist til óhappa. Miðað við að þessi dagur er svona sterkur og það að uppruni hans kemur frá norðrinu þá er fyndið að við lítum á föstudag sem heilladag.

Blaður

Auðvitað er ég enn í vinnu hjá Fosshótelum þar sem miklar breytingar hafa verið undafarið. Nýr yfirmaður og ný skrifstofuaðstæða and me like. Mér lýst bara vel á þetta allt saman og ég er spennt að sjá hvað framtíðin ber í skauti sér vinnulega séð. Enda er allt samstarfsfólk mitt mesta gæðablóð.

Annað sem er í fréttum er að ég er flutt að heiman. Tata!! Komin tími til. Ég fékk inn á stúdentagarða á Lindargötunni og flutti þar í byrjun október. Ég er að fíla það að búa ein og búa bara ég sjálf. Stutt í bæinn og svona. Gestir eru velkomnir.

Núna þessa helgi þá er komið rúmt ár síðan ég fór að heimsækja Hörpu og Þór í Danmörku og ég væri svo alveg til í að vera fara þangað aftur núna. Það er alltaf svo gott að koma í heimsókn til þeirra. Ég sakna líka Röggu minnar í Norge sérsaklega í gær þar sem ég var búin að planta mér fyrir framan imbann með nammi og svona því hversu oft höfum við ekki gert það saman að horfa á einhverjar stelpumyndir með gos og nammi.

Jæja ætla að halda áfram að grúska í heimildum um víkingaskip sem var grafið upp í Oseberg í Noregi.

Hrabba out!

Hrabba varð ein eftir á klakanum

M:maðr

Nokkrir dagar í sumarfrí og ég get ekki beðið

Sumarfríið fer alveg að bresta á hjá mér og ég get ekki beðið. Það er alveg nauðsynlegt að taka sér smá frí frá vinnu svona annars lagið.

Sumarfríinu mínu verður eydd á Vestfjörðum. Amma á akkúrat Heimabæ og við ætlum að fara og vera þar í nokkra daga og svo er einmitt ættarmót um helgina þannig við ætlum að taka það líka. 

Við verðum í húsinu með græna þakinu. Ég hlakka svo til það verður gaman að vera þarna að slappa af og æðislegt. Ég vona bara að veðrið verður gott.

Það verður farið upp á bjarg


Og vonandi keyrt eitthvað meira um firðina. Eflaust heimsótt ættfólkið á Rauðasandi



Ég hlakka svo til. Ég hlakka svo til.

VestfarðarHrabba out!